Монгол улс дахь шилжилт хөдөлгөөний менежментийн чадавхийг бий болгох хөтөлбөрийн хүрээнд олон улсын шилжилт хөдөлгөөний байгууллагын техникийн үнэлгээний хэсгийнхэн манай улсад энэ сарын 16-наас эхлэн ажиллаж байна.

       Ажлын хэсгийг ХХҮГ , ХХБГ, ГИХАЭГ, УБЕГ –ын удирдлага уулзан оролцож Хилийн шалган нэвтрүүлэх албаны үйл ажиллагаа болон шилжилт хөдөлгөөний менежементийг боловсронгүй болгох чиглэлээр ярилцан санал бодлоо хуваалцаж байна.

Улсын Их Хурлын ээлжит чуулганы 2010 оны 07 дугаар сарын 08-ны өдрийн нэгдсэн хуралдаанаар Гадаадын иргэний эрх зүйн байдлын тухай хуулийн шинэчилсэн найруулгын төсөл, Хууль хүчингүй болсонд тооцох тухай, Монгол Улсын Засгийн газрын тухай хуульд нэмэлт оруулах тухай, Захиргааны хариуцлагын тухай хуульд өөрчлөлт оруулах тухай хуулийн төслүүдийг Хууль зүйн байнгын хорооны санал, дүгнэлтийг Улсын Их Хурлын гишүүн ажлын хэсгийн ахлагч Ж.Сүхбаатар танилцуулан Гадаадын иргэний эрх зүйн байдлын тухай хуулийн шинэчилсэн найруулгыг Улсын Их Хурлын анхны хэлэлцүүлгээр баталлаа.

Шинээр батлагдсан Гадаадын иргэний эрх зүйн байдлын тухай хууль 10 бүлэг, 44 зүйлтэй бөгөөд 2010 оны 9 дүгээр сарын 1-ны өдрөөс хэрэгжиж эхлэх юм.